Текстове на песни: N.C.C.P. (Nuova Compagnia Di Canto Popolare). NCCP. Cicerenella.

Cicerenella mia
si bbona e bella.
Cicerenella teneva 'no gallo
tutta la notte nce jeva a cavallo,
essa nce jeva po' senza la sella
chisto e lo gallo de Cicerenella.
Cicerenella mia
si bbona e bella.
Cicerenella tenea 'na gallina
faceva ll'ove de sera e matina,
l'avea 'mparata a magna farenella,
chesta e 'a gallina de Cicerenella.
Cicerenella mia
si bbona e bella.
Cicerenella teneva 'na votte
metteva da coppa e asceva da sotto,
ma nun teneva tompagno e cannella,
chesta e la votte de Cicerenella.
Cicerenella mia
si bbona e bella.
Cicerenella teneva 'nu culo
ca pareva 'nu cofanaturo,
e l'ammustava la notte di stelle,
chisto e lo culo de Cicerenella.
Cicerenella mia
si bbona e bella.
Cicerenella teneva 'na vacca
c'aizava la coda e mustrava la 'ntacca,
ma nun teneva ne ossa ne pelle,
chesta e la vacca de Cicerenella
Cicerenella mia
si bbona e bella.
Cicerenella s'aizava a matina
menava li pisce 'int''o mantesino,
uno fujette da sott''a vunnella,
chisto e lo pesce de Cicerenella.
Cicerenella mia
si bbona e bella....